អន្តរជាតិ៖ ព្រឹត្តិការណ៍កីឡារដូវរងានៅទីក្រុង ប៉េកាំងបានបើកនៅយប់ថ្ងៃសុក្រទី៤ ខែកុម្ភៈ ក្នុងពិធីបើកនៅកីឡដ្ឋាន Bird's Nest បានបញ្ចប់ដោយការអុជភ្លើងចង្កៀងដោយកីឡាករ អូឡាំពិកវ័យក្មេងជនជាតិចិនពីរនាក់ ដែលម្នាក់ក្នុងចំណោមពួកគេជាសមាជិកនៃជនជាតិភាគតិច Uyghur របស់ប្រទេសចិន។

នៅក្នុងពិធីនេះលោកប្រធានាធិបតី ស៊ី ជីនពីង បានប្រកាសពីការបើកកីឡាអូឡាំពិក បើទោះបីជាក្នុងបរិបទជំងឺរាតត្បាត និងការរិះគន់ លើសិទ្ធិមនុស្សនៅក្នុងប្រទេសចិន។

អត្តពលិកជិះស្គីឆ្លងប្រទេសអាយុ២០ឆ្នាំម្នាក់កើតនៅ Altay ក្នុងតំបន់ Xinjiang ភាគខាងលិច Dinigeer Yilamujang បានអុជបំភ្លឺចង្ក្រានរួមជាមួយកីឡាករ Zhao Jiawen អាយុ២១ឆ្នាំ។

សម្រាប់សមាសភាពនិងអត្តសញ្ញាណរបស់អ្នកដែលត្រូវរត់កានភ្លើងគប់ចុងក្រោយត្រូវបានរក្សាជាសម្ងាត់រហូតដល់ពេលចុងក្រោយ ហើយអ្វីដែលគួរឱ្យកត់សម្គាល់ចាប់តាំងពីប្រទេសចិនបានប្រព្រឹត្តចំពោះជនជាតិភាគតិចមូស្លីម Uyghur ដែលទីក្រុងវ៉ាស៊ីនតោនចាត់ទុកថាជាអំពើប្រល័យពូជសាសន៍ គឺជាដើមចមសម្រាប់ការធ្វើពហិការការទូតដោយបណ្តាប្រទេសលោកខាងលិចមួយចំនួនរួមទាំងសហរដ្ឋអាមេរិកផងដែរ។

ប្រទេសចិនបានច្រានចោលការចោទប្រកាន់អំពីការរំលោភសិទ្ធិមនុស្ស ហើយបានព្យាយាមបង្ហាញពីស្មារតីនៃការដាក់បញ្ចូលក្នុងពិធីកាលពីយប់ថ្ងៃសុក្រ ដែលក្នុងនោះទង់ជាតិចិនត្រូវបានឆ្លងកាត់ក្នុងចំណោមមនុស្សចំនួន ៥៦ ដែលតំណាងឱ្យក្រុមជនជាតិផ្សេងៗគ្នា។

ដោយគោរពតាមប្រពៃណីកីឡារអូឡាំពិក ក្បួនដង្ហែរត្រូវបាននាំចូលទៅក្នុងពហុកីឡដ្ឋានដោយប្រទេសក្រិច ហើយទួរគីស្ថិតនៅលំដាប់ទីពីរជាមួយនឹងម្ចាស់ផ្ទះចិន។

ដោសារតែក្នុបរិបទកូវីដ ចំនួនអ្នកចូលរួមត្រូវបានកំណត់ ហើយមន្ត្រីនិងអត្តពលិកក៏មិនអនុញ្ញាតឱ្យដើរហើរដោយសេរីនោះទេ។

ទោះបីជាមានកម្មវិធីលើកនេះមានទំហំតូចជាងការប្រកួតរដូវក្តៅរបស់ប្រទេសចិនក្នុងឆ្នាំ ២០០៨ក៏ដោយ កីឡាអូឡាំពិករដូវរងានៅទីក្រុងប៉េកាំងកំពុងត្រូវបានរៀបចំឡើងដោយប្រទេសចិនដែលមានភាពរុងរឿង មានថាមពល មានទំនុកចិត្ត៕